Арнайы педагогтар мен педагог-ассистенттерге арналған аттестаттаудың пилоттық моделіне бірқатар өзгерістер енгізілген, деп хабарлайды Педагог-KZ.
Педагог-модератор және педагог-сарапшы санаттары үшін 4 бақылау сабағын өткізу жеткілікті. Педагог-зерттеуші үшін 6 сабақ, ал педагог-шебер үшін 8 сабақ өткізу талап етіледі. Өткізілетін сабақтардың кемінде жартысы офлайн форматта болуы тиіс.
Біліктілікті арттыру курстарының көлемі:
педагог-модератор мен педагог-сарапшы үшін – 36 сағат; педагог-зерттеуші мен педагог-шебер үшін – 72 сағат.Педагог-шебер санатын алу үшін: үлгілік оқу бағдарламаларын әзірлеуге қатысуы немесе кемінде 20 жыл педагогикалық еңбек өтілі болуы есепке алынады.Авторлық бағдарлама әзірлеудің қажеті жоқ.Буллингтің алдын алу және оның профилактикасы бойынша біліктілікті арттыру курстарынан өткендігі де ескеріледі. Төменгі санаттағы әріптестерге кәсіби қолдау көрсету де бағаланады: педагог-зерттеуші кемінде 1 маманмен; педагог-шебер кемінде 2 маманмен жұмыс істеуі тиіс.
Сондай-ақ, «Адал азамат» және «Таза Қазақстан» жобалары аясында кемінде бес іс-шара өткізуі ескеріледі.«Жаңа модель педагогтың кәсіби дамуына қолдау көрсетіп, артық есептілікті азайтуға бағытталған»,- делінген «Өрлеу» орталығы таратқан ақпаратта.